Эмацыянальны аспект рэжысуры масавых мерапрыемстваў

Abstract

У пачатку ХХІ ст. павялічылася цікавасць да такіх адгалінаванняў навуковых даследаванняў, як гісторыя эмоцый, эмалогія (эматыялогія), эмацыянальны інтэлект. Новыя формы камунікацыі ўтварылі рэвізію шэрагу семіятычных тэорый. Артыкул прапануе аргументацыю вывучэння студэнтамі творчых спецыялізацый актуальных даследаванняў, якія звязаны з паняццем «эмацыянальны інтэлект». Калі ўлічваць, што эмоцыі з’яўляюцца моцным матыватарам, то гэта вызначае наступнае: арганізацыя сацыяльнай прасторы мастацкімі сродкамі з’яўляецца прыярытэтнай часткай рэжысуры і менеджменту любога масавага мерапрыемства. Аднак інструментарый таго, як абуджаць у слухача (гледача) не толькі пэўныя эмацыянальныя рэакцыі, але і адпаведную на іх рэакцыю, перавядзенне эмацыянальнага стану ў трывалыя пачуцці, пакуль уяўляецца няпэўным. Такія сродкі могуць быць выпрацаваны праз практычны аналіз арганізацыі і правядзення масавых святочных і канцэртных мерапрыемстваў. Выказваецца прапанова ўвесці ў тэзаўрус студэнтаў кафедры рэжысуры паняцце «эмаінжынерынг».