Abstract:
У артыкуле праводзіцца аналіз дакументальнага фільма Г. Адамовіч «Страла». Адзначаецца, што яго назва паходзіць ад унікальнага абраду «Пахаванне стралы», які захаваўся ў натуральным выглядзе ў аграгарадках Стаўбун і Малыя Нямкі Веткаўскага раёна Гомельскай вобласці. Заўважаецца, што фільм адлюстроўвае не толькі абрад, а таксама паказвае цяжкую жаночую долю. Кіналента тонка раскрывае псіхалагічны стан жанчын, якія прайшлі шмат жыццёвых выпрабаванняў, але засталіся шчырымі, адкрытымі і жыццярадаснымі, захоўваючы традыцыйнае светасузіранне. У артыкуле ажыццяўляецца аналіз мастацкіх сродкаў, з дапамогай якіх рэжысёр стварае вобраз фільма, раскрываюцца яго кампазіцыйныя асаблівасці.
