Abstract:
Класічная экскурсія як турыстычная паслуга па-ранейшаму застаецца папулярнай, аднак ва ўмовах канкурэнцыі і новых патрабаванняў спажыўцоў турыстычнага прадукту паяўляюцца інавацыйныя формы экскурсійнага абслугоўвання. Разглядаюцца інавацыйныя формы экскурсійнага абслугоўвання (квэст-экскурсія, экскурсія-анімацыя, тэатралізаваная экскурсія, імерсіўная экскурсія, стэндап-экскурсія), вызначаюцца асаблівасці іх арганізацыі і методыкі правядзення. Адзначаецца, што ў распрацоўцы інавацыйных экскурсій задзейнічаны спецыялісты рознага профілю і выкарыстоўваюцца незвычайныя для традыцыйнай экскурсіі рэсурсы (прафесійныя акцёры, аніматары, музыканты і харэографы, тэатральны рэквізіт, мультымедыйныя сродкі і інш.).
